Ministri i Ekonomisë, Kreshnik Bekteshi informon se të gjitha automjetet që hynë nga 1 tetori 2020 në territorin e Maqedonisë së Veriut dhe janë me targa të huaja do të mund që brenda një viti regjistrohen me tarifa më të ulëta për 50% të vlerës së përcaktuar të të gjithë detyrimeve të ngarkuara për import nga autoritetet shtetërore kompetente.

“Automjetet me targa të huaja do të mund të regjistrohen me 50% tarifë të ulur.

Të gjitha automjetet që kanë hyrë në territorin e Maqedonisë së Veriut që nga 1 tetori 2020 dhe që janë me targa të huaja do të mund të regjistrohen në vend brenda një viti me tarifë të ulur për 50% të vlerës së përcaktuar të të gjitha detyrimeve që paguhen gjatë importit nga organet kompetente shtetërore.

Me propozim të Ministrisë së Ekonomisë, Qeveria sot miratoi Projektligjin për regjistrimin e automjeteve me targa të huaja në territorin e Republikës së Maqedonisë së Veriut”, (sec) shkruan Bekteshi në Facebook.

Ai informon se Projektligji hyn në fuqi 20 ditë pasi të publikohet në Gazetën Zyrtare, pas miratimit nga Kuvendi./Telegrafi/